Vi tilrår at du alltid nyttar siste versjon av nettlesaren din.
Farmasøytiske tenester
Våre farmasøytar samarbeider tverrfagleg med legar og sjukepleiarar for å gje pasientar ved sjukehusa best mogleg behandling.
Farmasøytar kan mellom anna utføre legemiddelsamstemming for å sikre at sjukehuset har korrekt og fullstendig oversikt over alle legemidla som pasienten brukar ved innlegging.
Farmasøytar kan òg gjennomføre utskrivingssamtalar for å sikre at pasientane har tilstrekkelig informasjon og opplæring til å kunne bruke legemidla riktig. Farmasøytane hjelp elles sjukehuset med opplæring, internrevisjon, rådgjeving, prosjektdeltaking og kvalitetssikring av rutinar for bruk og oppbevaring av legemiddel.
Våre tilsette er spesialistar på legemiddel og gjer i stand legemiddel til enkeltpasientar etter bestilling frå sjukehusa. Apoteket sin fagkunnskap sikrar at legemidla er kvalitetssikra og produsert etter gjeldande regelverk og standarder.
Legemiddel som må produserast eller klargjerast før bruk, kan ikkje alltid bli levert på kort varsel. Døme på dette er:
intravenøs ernæring
intravenøs antibiotikabehandling
smerteblandingar
miksturar til barn
Farmasøytar i Sjukehusapoteka Vest leverer òg tenester for å trygge og effektivisere logistikk og handsaming av legemiddel i sjukehusavdelingane. Tenestene våre er delt inn i:
Tenester som følgjer levering av varer
Logistikkretta tenester
Pasientretta tenester
Andre tenester
Desse tenestene utgjør samla sett eit viktig bidrag til pasienttryggleik og legemiddellogistikk og -økonomi. Døme på aktuelle systemretta faglege tenester frå Sjukehusapoteka Vest er:
Rådgiving av leger og sjukepleiarar, til dømes om val av preparat eller legemiddelform, om legemiddel kan blandast osb.
Kontroll av sjukehusavdelingane sitt legemiddellager; at avdelingane har rette legemiddel i rett mengde
Undervisning av tilsette i sjukehuset
Bidra til utarbeiding av kunnskapsbaserte retningsliner for behandling i samarbeid med tilsette i sjukehusavdelingane
Forbruksstatistikk
Gjennomføring av legemiddelrevisjonar
Legemiddelberedskap
Arbeid i legemiddelkomite (sjukehuset sitt rådgjevande organ i legemiddelsaker)
I samarbeid med Helseføretaka har sjukehusapoteka ansvaret for:
Organisering av legemiddelberedskap i spesialisthelsetenesta
Lagerhald av livsviktige legemiddel
Setja i verk produksjon av viktige legemiddel ved forsyningssvikt
