Kliniske utprøvingar i Sjukehusapoteka Vest
Sjukehusapoteka Vest HF er ein sentral samarbeidspartnar i kliniske utprøvingar i Helse Vest. Som ein del av spesialisthelsetenesta har vi ansvar for trygg og kvalitetssikra handtering av legemiddel til pasientar, også innan forsking og kliniske studiar.
Sjukehusapotekene i Sjukehusapoteka Vest bidrar med legemiddelrelaterte tjenester i kliniske studier som utføres i helseføretaka i regionen (Helse Vest). Vi tilbyr ei brei portefølje av farmasøytiske tenester knytt til kliniske utprøvingar, og har solid erfaring med å støtte både kommersielle og forskarinitierte studiar.
Sjukehusapoteka Vest har etablerte kvalitetssystem og standardiserte prosedyrar for handtering av studielegemiddel. Vi tilbyr tenester gjennom heile livsløpet til ein klinisk studie. Dette omfattar mellom anna import frå godkjende aktørar i EU/EØS, mottak og kontroll av leveransar, temperaturkontrollert oppbevaring, samt tilrettelegging for tilverking/produksjon til den enkelte pasient og utlevering av legemiddel til studiested. Arbeidet blir utført i samsvar med gjeldande lovverk og internasjonale retningslinjer, inkludert Good Clinical Practice (GCP), for å sikre høg kvalitet og pasienttryggleik i alle ledd av studien.
Sjukehusapoteka Vest samarbeider tett med helseføretak, forskingsmiljø og industri for å leggje til rette for effektive og trygge kliniske studiar i regionen. Vi anbefaler tidleg involvering av apotek i planleggingsfasen for å sikre gode løysingar for legemiddelhandtering og logistikk.
For kommersielle studiar blir førespurnader om apotektenester apotektenester handterte gjennom nasjonale samarbeidsløysingar. Ved førespurnad om farmasøytiske tenester i ei klinisk utprøving, skal sponsor melde behovet via meldeskjema hos Inven2. Informasjon om meldeskjema og relevante avtaleverk finst på Inven2 sine nettsider (Kliniske studier – Inven2 - Informasjon til industri og studiepersonell).
Inven2 vidareformidlar førespurnaden og etablerer kontakt med aktuelt sjukehusapotek i regionen for vidare avtaleinngåing. For forskarinitierte studiar ofte blir etablerte i direkte samarbeid med aktuelt sjukehusapotek. I begge tilfelle blir omfang og innhald i tenestene tilpassa den enkelte studie.
Kontakt for kliniske utprøvingar i Sjukehusapoteka Vest:
ClinicalTrials_SiB@sav.no
Gjennom vår kompetanse og infrastruktur bidreg Sjukehusapoteka Vest til å styrkje klinisk forsking og utvikling av nye behandlingsalternativ – til beste for pasientane i regionen.