Vi tilrår at du alltid nyttar siste versjon av nettlesaren din.
Miljøpolitikk i SAV
SAV skal vere ein miljøbevisst organisasjon. Miljøpolitikken i SAV skal bidra til å sikre at drifta av sjukehusapoteka gjev minst mogleg uønska effektar på miljøet.
Vi skal handtere varene vi omset og innsatsfaktorane som inngår i produksjonen på ein måte som sikrar kontroll. Samarbeidspartar og kundar skal informerast om vår forståing av kva miljørisikoar som følgjer framstilling og bruk av legemiddel.
Miljøpolitikken skal sikre at SAV forvaltar miljøutfordringane til beste for tilsette, kundar og samarbeidspartar.
SAV forpliktar seg til kontinuerleg forbetring gjennom aktiv og dynamisk bruk av styringssystem og planverk
Kontinuerleg samle inn og vurdere miljøeffektar av drifta vår
Etterleve lovkrav, SAVsine strategiar og etablerte prosedyrar på miljøområdet i det daglege arbeidet
Supplere høg fagkompetanse hos alle tilsette med miljøkompetanse
Stille miljøkrav til leverandørar
Gjere informasjon om moglege effektar på miljø ved bruk av legemidlar tilgjengeleg for kundar
Bidra til effektiv bruk og handsaming av legemiddel
Identifisere og bruke kanalar for å påverke produsentleddet til auka fokus på berekraftig produksjon av legemiddel.
Klimanøytralitet inneber at verksemda ikkje slepp ut meir klimagass i atmosfæren enn det verksemda greier å fange opp eller fjerne. Marknaden for tiltak for å utligne utslipp er i utvikling. Døme på tiltak; auka karbonopptak frå skog og teknologi for fjerning av karbon frå atmosfæren.
Kort om hovudmålet
40 prosent utslippskutt innan 2030 har utgangspunkt i referanseåret 2019. Dette tilsvarar ein reduksjon på ca. 175 000 tonn CO2-ekvivalentar (CO2e) for spesialisthelsetenesta innan 2030. 175 000 tonn CO2e tilsvarar det årlege utsleppet til 12 500 nordmenn.
Felles klimarekneskap for spesialisthelsetenesta delast inn i fire utsleppskategoriar:
Gassar
Energibehov
Transport av tilsette
Transport av pasientar
Indikatorar
Måloppnåinga skal følgjast opp ved hjelp av indikatorar. Forklaring av desse indikatorane finndu her