Kva hud-type har du?
Det er alltid viktig å verne seg for sola. Nokon blir lett solbrend mens andre kan tole sola litt betre.
Publisert 08.04.2019
Sist oppdatert 27.04.2023
![Kvitveis som er i ferd med å springe ut gjennom snøen.](/499aae/contentassets/2972d2fb41f54e93a6632b3530fac9bc/sno-blomst.jpg?format=webp&width=900&height=600&quality=80)
Hudtypen blir kjenneteikna ved fleire trekk, blant annan hårfarge og graden av lys hud. Ein skil ofte mellom fire ulike hudtypar.
Hud-type 1
- Lys hud, ofte med frekner
- Blondt eller raudtona hår
- Blå eller grøne auge
- Huda er ekstremt sensitiv for sol, blir alltid solbrend, og det er vanskeleg for å bli brun
- Bruk heller sjølvbruningskrem dersom det er viktig for deg å få ”farge”
Hud-type 2
- Lys hud, men litt mørker enn hud-type 1
- Blondt eller mørkt blondt hår
- Blå auge
- Huda er sensitiv for sol, har vanskeleg for å bli brun og blir lett solbrend
Hud-type 3
- Litt mørkare hud
- Mørkt blondt eller brunt hår.
- Fleire augefargar
- Huda er berre delvis følsam for sol, har lett for å bli brun, og brunfargen sit i lenge
Hud-type 4
- Lys brun hud
- Mørkt brunt eller svart hår
- Mørke auge
- Huda er robust, blir lett brun og brunfargen sit lenge
Sjukehusapoteket kan gje råd om riktig solpleie tilpassa din hud-type.