Menstruasjonssmerter

Eit vanleg symptom er krampesmerter i midten eller nedre del av magen. Nokre kvinner får smerter i korsryggen og nedover i beina. Andre blir kvalme og kan kaste opp, får hovudverk, blir øre eller svimle.

Visste du at?

• Årsaka til smerter i forbindelse med menstruasjon er ikkje så godt kjent. Forskarar går ut frå at rikeleg utskiljing av såkalla prostaglandiner i menstruasjonsblodet medfører samantrekkingar og krampar i livmora.
• Smertene skuldast som regel menstruasjonen i seg sjølv, og ikkje eit underliggjande helseproblem.
• Menstruasjonssmerter opptrer oftast i tida etter puberteten.
• Menstruasjonssmertene blir betre med alderen, og mange kvinner får mindre smerter etter at dei har født barn.
• Bruk av p-piller kan gi mindre plager.

Kva kan du gjere sjølv?

• Mange opplever at eit varmt bad og/eller ei varmeflaske på mage eller rygg kan verke lindrande.
• Fysisk aktivitet hjelper mange.
• Det finst smertestillande legemiddel som kan hjelpe. Desse bør ein ta ved første teikn på smerte for å få best effekt. Ved lettare smerter er preparat med paracetamol anbefalt. Dersom menstruasjonssmertene er kraftigare, er naproxen, ibuprofen eller diklofenak anbefalt.

Apoteket anbefaler

Reseptfrie legemiddel ved menstruasjonssmerter:

Kjelder: Apotekforeininga, Norsk Helseinformatikk, Felleskatalogen

Er allmenntilstanden dårleg eller du mistenker alvorleg sjukdom –
ta kontakt med lege. Les pakningsvedlegget nøye ved bruk av legemiddel.